Շառլ Ազնավուրը գրքում կիսվում է, պատմում է իր կյանքից պատմություններ։ Արտահայտում է իր ապրումները, կյանքի պահերը, իր տրամադրությունը, վերաբերմունքը։ Նշել է, որ դժվարությամբ է գրում նմանատիպ գրքեր, դժվարությամբ է վստահում։ Իհարկե, դժվար է որոշել գրել այսպիսի անկեղծ գրքեր, որոնցով թույլ ես տալիս մարդկանց մեկ քայլ ավել քեզ մոտենալ, ավելի լավ ճանաչել քեզ։ Սակայն Շառլ Ազնավուրը իսկապես շատ հետարքիր կերպով է փոխանցում իր մտքերը ընթերցողին։
Մեջբերումներ․
- Ինչ բարձունքների էլ ձգտես, ամենակարևորն առաջին քայլն է, քանի որ հենց այդ քայլ է ամենայն հավանականությամբ մեզ դուրս բերում հաջողության ճամփա։ Մարդու միջից է գալիս ներքին մղումը։ Հաջողության հասնել նշանակում է նաև ռիսկի դիմել։ Երկրորդ ու դրան հաջորդող քայլերն արդյունք են մտքի և այն սնոցող վտակների։ Գլխում են աշխատելու ցանկությունը, կահումն ու սերն աշխատանքի հանդեպ։ Արանք ծնվող տաղանդի երեք ուղեկիցներն են իրենց վտակներով՝ խանդավառության, համարձակության, կամք ու մարտնչող ոգի։ Այս հատկանիշներն օգնում են սսեփական ձեռքերով կռել ճակատագիրը՝ բառ, որը մեծ ռեզոնանս է առաջացնում և ստիպում խոսել ճակատագիր կերտած մարդու մասին անգամ նրա մահից հետո, երկար տարիներ։
- Մ՛ի բարդույթավորվեք դժվարությունների, ձեր արտաքինի կամ թերությունների պատճառով։ Այդ ամենը կարելի է շտկել։
- Ոսկի տարիք է, երբ սիրում ես ու սիրված ես։
- Աշխարհում ամենագեղեցիկն այն վայրերն են, որոնք շատերն աշխարհի ծայր կամ կորած տեղ են անվանում։
- Մեկնել, որ վերադառնաս կասկածներից ու ինքնագոհությունից մարված։ Վերադառնալ համոզումով, որ վերջապես հասկացել ես, թե ինչպես է պետք ապրել։ Վերադառնաս, որպեսզի վատին դիմավորես որքան հնարավոր է թեթև և հումորով։ Վերադառնալ որպես նորացած մարդ այս ծերացող աշխարհում։
- Ապագայի հետ կապված իմ ցանկությունը այնտեղ մշտական իմ ներկայությունն է։
Անի Գրիգորյան 